Policia, xhandarmëria dhe GDBOP do të kenë drejtorë të rinj

Me urdhër të Ministrit të Brendshëm në detyrë, Emill Deçev, janë zëvendësuar drejtorët e Drejtorive të Përgjithshme “Policia Kombëtare” – kryekomisar Zahari Vaskov, “Lufta kundër Krimit të Organizuar” (GDBOP) – kryekomisar Bojan Raev, dhe “Xhandarmëria, Operacionet Speciale dhe Lufta kundër Terrorizmit” – kryekomisar Nikollaj Nikollov. Lajmi u bë i ditur nga Ministria e Brendshme, e cila citohet nga BTA. 

Nga institucioni theksojnë se së shpejti do të njoftohet se cilët do të jenë drejtuesit e rinj të strukturave. Kriteret për përzgjedhjen e tyre do të jenë autoriteti, ndershmëria dhe përvoja e gjerë profesionale. 

Deri tani janë zëvendësuar 23 nga gjithsej 28 drejtorët e drejtorive rajonale të Ministrisë së Brendshme. Të tjerët, për momentin, mbeten në detyrë, njoftoi disa ditë më parë Ministri në detyrë Emil Deçev. Ai tha se ka një plan për punën në lidhje me zgjedhjet dhe se plani tashmë ka nisur të zbatohet.

 

Redaktoi: Miglena Ivanova

Përgatiti në shqip: Vesella Mançeva