Rënie prej 0.5% e shitjeve me pakicë në janar

Vëllimi i tregtisë me pakicë në Bashkimin Evropian u rrit me 0.1% në janar 2026 krahasuar me dhjetorin e vitit të kaluar, ndërsa në zonën e euros shënoi rënie prej 0.1%, sipas të dhënave të publikuara nga Eurostati.

Në këtë sfond, në Bullgari vëllimi i shitjeve me pakicë në janar u ul me 0.5% krahasuar me muajin paraprak, kur ishte rritur me 1.6%. Kjo e rendit vendin në vendin e gjashtë në Bashkimin Evropian sipas këtij treguesi për muajin e parë të vitit.

Në nëntor 2025, në bazë mujore, tregtarët bullgarë me pakicë regjistruan rënie të qarkullimit prej 0.1%, ndërsa në tetor u shënua rritje prej 0.7%.

Në bazë vjetore, në janar shitjet me pakicë në Bullgari u rritën me 3.9% krahasuar me të njëjtin muaj të vitit të kaluar. Vendi renditet i nënti në Bashkimin Evropian për rritjen më të madhe vjetore të vëllimit të shitjeve me pakicë, pasi në dhjetor dhe nëntor ky tregues u rrit përkatësisht me 8.2% dhe 3.8%.

Redaktoi: Diana Cankova

Përgatiti në shqip: Svetllana Dimitrova