Rumunët iu bashkuan kërkimit për gaz në zonën bullgare të Detit të Zi

OMV Petrom njoftoi se po i bashkohet konsorciumit për kërkimin e bllokut detar “Han Tervell” në zonën ekonomike bullgare të Detit të Zi. Kompania rumune e integruar e naftës kontrollohet nga kompania austriake OMV. Ajo është një nga korporatat më të mëdha në Rumani dhe prodhuesi më i madh i naftës dhe gazit në Evropën Juglindore. OMV Petrom do të marrë 25% të projektit. Në të njëjtin konsorcium kompania Shell merr pjesë si operatore me 42%, ndërsa 33% të mbetura mbahen nga Turkish Petroleum Overseas – një kompani bijë e Türkiye Petrolleri. Marrëveshja për pjesëmarrje tashmë u nënshkrua, ndërsa përfundimi i transaksionit pret miratimin e qeverisë bullgare.

Blloku “Han Tervel” shtrihet në një sipërfaqe rreth 4000 kilometra katrorë dhe ndodhet në jug të bllokut “Han Asparuh”, ku tashmë u realizuan aktivitete të rëndësishme kërkimore, njofton agjencia e lajmeve BGNES.

Redaktoi: Ivo Ivanov

Përgatiti në shqip: Svetllana Dimitrova