Trafiku kufitar për kamionët drejt Turqisë mbetet i ngjeshur

Trafiku në pikat kufitare me Turqinë “Kapitan Andreevo” dhe “Lesovo” në dalje për kamionët mbetet intensiv, njoftoi Policia Kufitare në orën 6 të mëngjesit më 16 mars. Trafiku në pikat kufitare me Rumaninë është normal. Trafiku përtej Urës së Danubit pranë Ruses po kryhet në faza në një korsi, për shkak të riparimeve të planifikuara. Trafiku është normal në pikat kufitare me Greqinë, Serbinë dhe Maqedoninë e Veriut.

Deri më 20 mars, nga ora 10:00 deri në orën 17:00 gjatë ditës, shenjat do të përditësohen në pjesën në kryqëzimin e Autostradës Veriore dhe Unazës së Sofjes. Shoferët atje duhet të jenë shumë të kujdesshëm, njoftoi Agjencia e Infrastrukturës Rrugore. Trafiku nuk do të kufizohet.

Në 11 aksidente të rënda në vend gjatë 24 orëve të fundit, 12 persona u plagosën, nuk u raportuan vdekje, njoftoi Policia Rrugore. Që nga fillimi i vitit, ka pasur 1014 aksidente të rënda me 73 të vdekur dhe 1273 të plagosur.

 

Redaktoi: Ivo Ivanov

Përgatiti në shqip: Vesella Mançeva