Origjinali i Thesarit të Artë të Panagjurishtes po kthehet në shtëpi

Ai do të ekspozohet në Panagjurishte me rastin e 150‑vjetorit të Kryengritjes së Prillit. Nga 1 prilli deri më 17 maj, thesari do të jetë i vendosur në sallën “Trezor” të Muzeut Historik të qytetit, njoftoi për BTA drejtori i muzeut, doc. dr. Atanas Shopov.

Banorët dhe vizitorët e Panagjurishtes do të kenë mundësi të shohin nëntë enët e arta në një sallë të posaçme, ku në pjesën tjetër të vitit është ekspozuar kopja e thesarit. 

Thesari i Artë i Panagjurishtes përfaqëson një komplet trak të përbërë nga nëntë enë ari me peshë totale 6.164 kg, i zbuluar më 8 dhjetor 1949 rreth dy kilometra nga Panagjurishte. Ai përfshin ritone, kana‑ritone, një amforë dhe një fialë dhe daton nga fundi i shekullit IV dhe fillimi i shekullit III para erës sonë. Enët janë zbukuruar me figura të hyjnive dhe heronjve antikë, si edhe me skena me qenie mitologjike.

Lexoni më shumë në arkivin e Radio Bullgarisë:

• Historia e Panagjurishtes është e ndërthurur me një fije të artë – nga kohërat e lashta deri në ditët e sotme

Redaktoi: Miglena Ivanova

Përgatiti në shqip: Vesella Mançeva