“Bullgaria Progresive” shënon rënie, por kryeson në zgjedhjet e 19 prillit

“Bullgaria Progresive” e ish-Presidentit Rumen Radev do të fitonte 21.1% të votave më 19 prill, sipas anketës së fundit të Market Links, të financuar nga agjencia dhe bTV. GERB-SDS është në vendin e dytë me 18.6%. Në vendin e tretë është "Po e Vazhdojmë Ndryshimin - Bullgaria Demokratike" me 12%. Barriera prej 4% për hyrje në parlament kalohet nga DPS me 7.2 dhe "Vëzrazhdane" me 4.9 për qind. Nën pragun mbeten BSP - 3%, MEÇ - 2.8% dhe "Veliçie" me 2.7 për qind. 

Sondazhi u krye midis 7 dhe 15 marsit duke përdorur metodën e intervistës personale të drejtpërdrejtë dhe një anketë online midis 1,006 bullgarëve të rritur. Radev humbet 4.5% të mbështetjes krahasuar me anketën e parë nga "Market Links" nga shkurti. Në atë kohë, agjencia sociologjike parashikoi përqindjen më të ulët për ish-presidentin - 25.6%, ndërsa agjencia "Mjara" i dha atij 33.3%.

56% e atyre që kanë të drejtë të votojnë thonë se do të votojnë, tha Dobromir Zhivkov nga "Market Links" për bTV.

 

Redaktoi: Ivo Ivanov

Përgatiti në shqip: Vesella Mançeva