Në Bruksel Kryeministri Gjurov filloi një seri takimesh në BE dhe NATO

Një qasje e unifikuar nga BE-ja, në koordinim me partnerët tanë transatlantikë, është çelësi për mbrojtjen e sigurisë së qytetarëve evropianë dhe stabilitetit në rajon. Kjo u deklarua nga Kryeministri në detyrë Andrej Gjurov në një takim me Presidentin e Këshillit Evropian Antonio Costa. Gjurov është në Bruksel për seancën e Këshillit Evropian.

Të dy diskutuan rritjen e sigurisë, sanksionet kundër Rusisë dhe mbështetjen për Ukrainën, si dhe Kornizën Financiare Shumëvjeçare.

Gjurov bëri thirrje që vëmendja e Evropës të mbetet në agresionin rus kundër Ukrainës dhe në një qasje të unifikuar në lidhje me paketën e 20-të të sanksioneve kundër Rusisë dhe hyrjen në fuqi të Kredisë Mbështetëse për Ukrainën. U vu re se përshkallëzimi në Lindjen e Mesme dhe çmimet e larta të energjisë do të dëmtojnë efektivitetin e sanksioneve.

 

Redaktoi: Ivo Ivanov

Përgatiti në shqip: Vesella Mançeva