Dritë jeshile për Bullgarinë nga OECD për reformat antikorrupsion

Grupi i punës për luftën kundër dhënies së ryshfeteve zyrtarëve të huaj në transaksionet tregtare ndërkombëtare pranë Organizatës për Bashkëpunim dhe Zhvillim Ekonomik (OECD) i dha dritë jeshile Bullgarisë në rrugën e saj drejt anëtarësimit në organizatë. Këtë e njoftoi Ministria e Drejtësisë. Në sesionin e fundit plenar në Paris, ku shteti u përfaqësua nga zëvendësministri i drejtësisë Andrej Georgiev, grupi i punës pranoi se vendi ynë ka përmbushur në mënyrë të kënaqshme të gjitha rekomandimet kyçe të lidhura me procesin e anëtarësimit në fushën e luftës kundër korrupsionit. Në Paris, grupi i punës vlerësoi lart reformat ligjore të ndërmarra nga Bullgaria në këtë fushë. 

Puna shtesë mbetet për dy rekomandime – mundësia për përdorimin e mjeteve speciale të hetimit në procedura të pavarura dhe rishikimi i ndalimit ligjor për fillimin e procedimeve penale mbi bazën e sinjalizimeve anonime.

 

Redaktoi: Miglena Ivanova

Përgatiti në shqip: Vesella Mançeva