Pas 16 vitesh një bullgar fitoi medalje në Botërorin e Atletikës së Lehtë

Bozhidar Sarëbojukov i solli Bullgarisë medaljen e parë nga Kampionati Botëror i Atletikës së Lehtë pas 16 vitesh. Bullgari kaloi 8.31 metra në kërcimin së gjati dhe fitoi nderin e parë për vendin që nga viti 2010, kur Vanja Stambollova u shpërblye me një medalje në vrapimin në 400 m në Doha. 

Nxënësi i trajnerit Dimitër Karamfillov e nisi shkëlqyeshëm garën në sallën e qytetit polak Torun me 8.22 metra në përpjekjen e tij të parë. Në të dytën, Sarëbojukov realizoi rezultatin e tij më të mirë në garë – 8.31 m – dhe u ngjit në krye të renditjes së përkohshme. Por pas dy përpjekjeve më të dobëta dhe dy kërcimeve të rrezikshme që përfunduan me faull, ai u rendit i treti. 

Medaljen e artë e fitoi portugezi Gerson Baldé, i cili arriti 8.46 metra në përpjekjen e fundit. Ky është edhe rezultati më i mirë në botë për sezonin. Argjendin e mori një nga favoritët për titull, Mattia Furlani nga Italia, me rezultat 8.39 m.

 

Redaktoi: Ivo Ivanov

Përgatiti në shqip: Vesella Mançeva