Gati 60 për qind shprehin gatishmëri të votojnë për parlamentin më 19 prill

59% e qytetarëve me të drejtë vote në vend deklarojnë se do të marrin pjesë në zgjedhjet parlamentare më 19 prill. Kjo përfaqëson rreth 3,1 milionë votues, sipas një sondazhi të “Trend”, i porositur nga “24 Çasa”. Të dhënat janë mbledhur përmes intervistave të standardizuara “ballë për ballë” me 1001 persona mbi 18 vjeç në periudhën 13–19 mars. 

Pjesëmarrja e deklaruar në votime mbetet e pandryshuar krahasuar me sondazhin e mëparshëm të “Trend” nga shkurti. 

“Bullgaria Progresive” mbetet forca e parë me 31,1% mbështetje. Në vend të dytë është GERB–SDS me 19,7%. Të tretët janë “Po e Vazhdojmë Ndryshimin – Bullgaria Demokratike” (PP-DB) me 11,8%. Pas tyre vjen DPS me 10,5%. “Vëzrazhdane” është në pozitën e pestë me 7,9%. “BSP–E Majta e Bashkuar” është në kufirin e pragut parlamentar me 4% mbështetje. 

 

Redaktoi: Ivo Ivanov

Përgatiti në shqip: Vesella Mançeva