Dorëzuan çmimet e edicionit të 30-të të Festivalit “Sofia Film Fest”

Festivali i 30-të Ndërkombëtar i Filmit në Sofje (Sofia Film Fest) prezanton në mars 167 filma nga 60 vende të 6 kontinenteve. Në një ceremoni gjatë fundjavës së kaluar u dorëzuan çmimet e forumit. Çmimin e madh e mori filmi “Dirigjenti” i regjisorit çek Ondrzhej Provaznik.

I ftuari special i edicionit të 30-të të Sofia Film Fest – aktori polak që luajti rolin e priftit Eredia në “Shpirtrat e dënuar”, Jan Englert – mori “Çmimin e Sofjes” nga Bashkia e Sofjes dhe nga Sofia Film Fest për kontributin e tij në kinemanë botërore. “Bëhet fjalë për një aktor që 50 vjet më parë, i ri dhe i panjohur, as për publikun polak, as për atë bullgar, u bë një figurë kult në kinemanë bullgare”, tha regjisorja dhe aktore Borjana Punçeva.

Çmimi për film më të mirë ballkanik iu dha nga juria ndërkombëtare filmit “Nëna Tereza” të regjisores Teona Mitevska - një bashkëprodhim i Maqedonisë së Veriut, Suedisë, Belgjikës, Danimarkës dhe Bosnjë-Hercegovinës. Juria e përcaktoi filmin “një vepër kinematografike që është jo konvencionale, si në formë ashtu edhe në përmbajtje”.

Redaktoi: Miglena Ivanova

Përgatiti në shqip: Svetllana Dimitrova