55 mijë bullgarë jetojnë me epilepsi dhe luftojnë kundër stigmatizimit

Mbrëmjen e 26 marsit, ndërtesa emblemë në qytete të ndryshme të Bullgarisë do të ndriçohen me ngjyrë vjollcë si shenjë solidariteti me personat që jetojnë me epilepsi. Kjo bëhet në kuadër të Ditës Vjolcë (Purple Day), një ditë për rritjen e ndërgjegjësimit mbi këtë sëmundje, që është një nga pesë sëmundjet më të zakonshme neurologjike, raporton korrespondentja jonë Elena Bejkova.

Mbi 55 mijë bullgarë jetojnë me epilepsi, sëmundje që mund të kalojë në fëmijëri ose të vazhdojë gjatë gjithë jetës. Shumë prej tyre e fshehin gjendjen e tyre për të shmangur përjashtimin shoqëror, shpjegon Veska Sëbeva, kryetare e Shoqatës së Prindërve të Fëmijëve me Epilepsi. Disa njerëz heqin dorë nga përfitimet sociale për të filluar punë, fëmijët bien të fikët në shkollë, pa i informuar prindërit mësuesit, për të shmangur stigmën se fëmija është i sëmurë. Mungojnë ilaçe për kontrollin e sëmundjes pas mbushjes së moshës madhore, për çka shoqata ka paditur shtetin, shtoi Sëbeva.

Redaktoi: Miglena Ivanova

Përgatiti në shqip: Svetllana Dimitrova