Kryeministrat e Bullgarisë dhe Ukrainës nderuan viktimat e luftës

Kryeministrat e Bullgarisë dhe Ukrainës, Andrej Gjurov dhe Julia Sviridenko, nderuan të rënët në luftërat ruso‑ukrainase në Kiev. Gjurov po zhvillon një vizitë në kryeqytetin ukrainas, i shoqëruar nga një delegacion ministrash. 

Gjatë vizitës së tij, Gjurov vizitoi një ndërtesë banimi të shkatërruar nga goditje ruse me dronë. Sulmi ka ndodhur më 31.07.2025. Rreth 30 banorë kanë humbur jetën, mes tyre 5 fëmijë, njoftoi në Facebook Këshilli i Ministrave. 

Në kuadër të vizitës, Ministrja e Punëve të Jashtme, Nadezhda Nejnski, u takua me ministrin e jashtëm ukrainas, Andrii Sibiga, i cili theksoi se në 43 shkolla në Ukrainë gjuha bullgare mësohet nga mbi 7000 nxënës.

Nejnski i konfirmoi Sibigës mbështetjen e Bullgarisë për Ukrainën në fushat e sigurisë, energjetikës dhe integrimit evropian, si edhe pjesëmarrjen në mekanizmat për kompensimin e të prekurve dhe kërkimin e përgjegjësisë nga Rusia. Parashikohet gjithashtu rikthimi i lidhjes së drejtpërdrejtë hekurudhore Kiev–Varna/Burgas me linja testuese gjatë verës së vitit 2026. 

Programi i kryeministrit të përkohshëm bullgar përfshin edhe një takim me presidentin ukrainas, Volodimir Zelenski.

Redaktoi: Miglena Ivanova

Përgatiti në shqip: Vesella Mançeva

Foto: Këshilli i Ministrave, Mfa.bg