Bullgaria mposhti Indonezinë në finalen e turneut FIFA Series 2026

Bullgaria mposhti Indonezinë me rezultat 1:0 në finalen e turneut FIFA Series 2026 në Xhakartë. Goli u shënua nga Marin Petkov. Para kësaj, “luanët” fituan me 10:2 kundër Ishujve Solomon, ndërsa Indonezia u përball me sukses me Saint Kitts dhe Nevis duke fituar 4:0. 

Ka edhe një lajm të rëndësishëm lidhur me pjesëmarrjen e ekipit tonë në Indonezi. Federata Bullgare e Futbollit njoftoi se do të ndihmojë për kthimin në atdhe të katër bullgarëve që janë detyruar të qëndrojnë në Xhakartë prej disa javësh për shkak të konfliktit ushtarak në Lindjen e Mesme. Ata kanë humbur fluturimet dhe nuk kanë gjetur mënyrë për t’u kthyer në Bullgari. 

Pasi janë lidhur me Federatën me kërkesë për ndihmë, vetë presidenti Georgi Ivanov ka reaguar menjëherë. Kështu, ata do të hipin në çarterin e ekipit kombëtar dhe do të kthehen në Sofje së bashku me të.

 

Redaktoi: Miglena Ivanova

Përgatiti në shqip: Vesella Mançeva