Bullgaria shprehu solidaritet me Ukrainën për viktimat e Buças

Ministrja në detyrë e punëve të jashtme, Nadezhda Nejnski, mori pjesë në ceremoninë përkujtimore në qytetin Buça në nder të mbi 500 qytetarëve civilë ukrainas, të vrarë në mars 2022 nga ushtarët rusë në qytet. Ngjarja u zhvillua brenda programit të Këshillit joformal të Ministrave të Jashtëm të Vendeve Anëtare të BE-së, i cili u mbajt nën organizimin e Ukrainës. “Në Buça shohim çfarë ka lënë pas Putin: vrasje, rrënoja dhe mizori”, deklaroi gjatë ceremonisë Nadezhda Nejnski, sipas njoftimit të Ministrisë së Jashtme. Ajo që ndodhi në Buça nuk është vetëm një faqe tragjike e historisë së sotme të Ukrainës, por mbetet edhe një dëshmi e rëndë e shkeljeve të së drejtës ndërkombëtare humanitare, të cilat nuk mund të injorohen ose të mbeten pa pasoja.

Redaktoi: Ivo Ivanov

Përgatiti në shqip: Svetllana Dimitrova