Para 60 vjetësh, në këtë datë, ndahet nga jeta shkrimtari i madh Dimitër Dimov

Shkrimtari i dashur për breza bullgarësh, Dimitër Dimov, vdiq papritur më 1 prill 1966 në moshën 56 vjeç në aeroportin e Bukureshtit, ndërsa priste fluturimin e kthimit për në Sofje. Një ditë më herët, më 31 mars, ai udhëton për në kryeqytetin rumun për një takim në cilësinë e kryetarit të Lidhjes së Shkrimtarëve Bullgarë. Shkrimtari niset nga apartamenti i tij në rrugën “Krëstjo Sarafov” nr. 26, në lagjen “Llozenec”  – sot shtëpia‑muze “Dimitër Dimov”. 

Prej 50 vitesh, Muzeu Kombëtar i Letërsisë ruan trashëgiminë kulturore të Dimitër Dimovit. Në shtëpinë e fundit të shkrimtarit, shkencëtarit, piktorit dhe enciklopedistit, është ruajtur atmosfera e 12 viteve të fundit të jetës së tij, si edhe pamja e çastit para nisjes së tij për në Bukuresht.

Në shtëpinë‑muze vizitorët mund të shohin kabinetin e punës së autorit të romaneve “Toger Benc”, “Shpirtra të dënuar”, “Duhani”, laboratorin e shkencëtarit dhe fotografit të pasionuar, si edhe një ekspozitë dokumentare që ndjek momentet e jetës dhe rrugëtimit të tij krijues.

 

Redaktoi: Miglena Ivanova

Përgatiti në shqip: Vesella Mançeva