Shpallën datat për Konferencën Vjetore të shkollave bullgare jashtë vendit

Shoqata e Shkollave Bullgare jashtë Vendit (ABUÇ) shpalli në faqen e saj datat e Konferencës Vjetore për vitin 2026. Ajo do të zhvillohet nga 21 deri më 23 korrik në Universitetin e Sofjes “Shën Kliment Ohridski”. Pjesëmarrësit do të diskutojnë temën: “Shkollat bullgare jashtë kufijve – hapësirë për identitet, kulturë dhe përkatësi”.

Informacioni për programin e forumit dhe regjistrimin do të njoftohet shtesë, thekson ABUÇ.

Shoqata e Shkollave Bullgare jashtë Vendit (ABUÇ) është një organizatë vullnetare, e pavarur, joqeveritare dhe jopolitike me seli në Sofje. Ajo u krijua në vitin 2007 me qëllim të mbështesë veprimtarinë e shkollave dhe qendrave arsimore bullgare jashtë Bullgarisë dhe të promovojë gjuhën dhe kulturën bullgare.

 

Redaktoi: Miglena Ivanova

Përgatiti në shqip: Vesella Mançeva