Të huajt me leje qëndrimi dhe pune mund të ndryshojnë punëdhënësin

Një projektligj për ndryshimin dhe plotësimin e Ligjit për të Huajt në Republikën e Bullgarisë parashikon që personat që mbajnë “Lejen e Unifikuar për Qëndrim dhe Punë” të kenë mundësinë ligjore të ndryshojnë punëdhënësin e tyre gjatë qëndrimit në vend. Aktualisht, ligji nuk lejon që të huajt me leje qëndrimi të gjatë të ndryshojnë punëdhënësin gjatë qëndrimit në territorin e Bullgarisë, raporton BTA.

Projektligji parashikon gjithashtu që, në rast të humbjes së punës, të mos hiqet menjëherë e drejta e qëndrimit të të huajit. Këta qytetarë do të mund të regjistrohen në Zyrën e Punës gjatë periudhave të papunësisë, pa kjo të çojë automatikisht në ndërprerjen e qëndrimit të tyre ligjor.

Parashikohet gjithashtu që, me ndryshimet në Ligjin për Shëndetësinë, të garantohet qasja në shërbime shëndetësore për qytetarët e vendeve të treta që kalojnë procedurat e kontrollit shëndetësor.

Redaktoi: Miglena  Ivanova

Përgatiti në shqip: Svetllana Dimitrova