Operatorët turistikë bullgarë nuk do të rrisin çmimet e rezervimeve

Bisedimet me sektorin e turizmit tregojnë gatishmëri për të ruajtur çmimet e paketave turistike tashmë të dakorduara, me kusht që të mos ketë rritje të mprehtë të çmimeve të karburantit dhe energjisë elektrike. Këtë e deklaroi Ministrja teknike e Turizmit, Irena Georgieva, pas një takimi me presidenten Ilijana Jotova. 

Georgieva theksoi se frika nga udhëtimet në rajonin e Lindjes së Mesme po i shtyn disa turistë evropianë të orientohen drejt destinacioneve si Portugalia dhe Spanja. Për shkak të situatës gjeopolitike, Bullgaria ka mundësi ta shfrytëzojë situatën në favor të saj, nëse arrin të prezantohet si një vend turistik i sigurt dhe konkurrues. Si masa kyçe, ministrja përmendi forcimin e reklamimit të vendit në tregjet kryesore dhe përqendrimin te turistët që nuk kanë frikë të udhëtojnë.

 

Redaktoi: Ivo Ivanov

Përgatiti në shqip: Vesella Mançeva