“Gallup”: Pesë janë formacionet e sigurta në parlamentin e ardhshëm

Gjatë të tretës së parë të fushatës parazgjedhore nuk vërehet rritje e dukshme në gatishmërinë deklarative për të votuar në zgjedhjet e parakohshme parlamentare të 19 prillit 2026. Rreth 53% e qytetarëve me të drejtë vote deklarojnë se do të marrin pjesë në votim. Pesë formacione duken të sigurta për të hyrë në parlamentin e ardhshëm. Këtë e tregon një sondazh kombëtar përfaqësues – pjesë e programit të pavarur kërkimor të agjencisë sociologjike “Gallup International Balkan”, i financuar me mjete të veta. Nivelet e regjistruara të mbështetjes i përkasin periudhës 20–30 mars 2026, kur është zhvilluar sondazhi.

Forca e parë politike është “Bullgaria Progresive” – 27.7%, e ndjekur nga GERB-SDS me 22.8%, ndërsa të tretët janë PP-DB me 10.6%. Vetëm 0.2% i ndan nga DPS, të cilët regjistrojnë 10.4% mbështetje. Pjesëmarrësi i pestë i sigurt në Kuvendin e ardhshëm është partia “Vëzrazhdane”, e cila gjatë të tretës së parë të fushatës shënon një rritje të lehtë të mbështetjes – 6.3%. 

Nën pragun zgjedhor prej 4% dhe me shkallë të ndryshme probabiliteti për hyrje në parlament janë disa formacione: “BSP – E Majta e Bashkuar” regjistron 2.9% mbështetje, koalicioni “Sijanie” (“Shkëlqimi”) – 2.9%, ITN – 2.8%, MEÇ – 2.7%, “Veliçie” – 1.8%, APS – 0.9%, “Bullgaria Blu” – 0.9%.

 

Redaktoi: Miglena Ivanova

Përgatiti në shqip: Vesella Mançeva