Bullgaria mund të përjashtohet nga organizata më me ndikim bujqësor në BE

Unioni Bullgar i Fermerëve ka dërguar një letër me kërkesë për takim me kryeministrin teknik Andrej Gjurov. Ata paralajmërojnë se ekziston rreziku që Bullgaria të humbasë anëtarësimin në “Copa-Cogeca”, transmeton BTA.

Arsyeja është mungesa e mundësive për pagesën e kuotës së anëtarësimit nga prodhuesit bujqësorë bullgarë. Nga unioni thanë se çështja është me rëndësi strategjike për praninë dhe ndikimin e bujqësisë bullgare në BE, sepse “Copa-Cogeca” është organizata përfaqësuese më me ndikim e fermerëve dhe kooperativave në BE dhe luannjë rol kyç në formësimin e politikave në sektor.

Unioni theksoi se pjesëmarrja në këtë strukturë siguron qasje të drejtpërdrejtë në proceset e vendimmarrjes në nivel evropian dhe se organizata ka komunikim të drejtpërdrejtë me Komisionin Evropian dhe Parlamentin Evropian.

 

Redaktoi: Ivo Ivanov

Përgatiti në shqip: Vesella Mançeva