Grafite bullgare zbukurojnë shkollën “Republika e Bullgarisë” në Meksikë

Piktorët e grafiteve nga Burgasi, pjesë e duos krijuese SuperGteam – Nikollaj Dimitrov dhe Daniell Dubarov, realizuan një mural në oborrin e shkollës “Republika e Bullgarisë” në lagjen Kojoakan të kryeqytetit të Meksikës. Kjo u bë e ditur prej tyre pas kthimit në Bullgari, njoftoi BTA.

Murali paraqet lidhjen mes Bullgarisë dhe Meksikës përmes simboleve karakteristike të të dy kulturave. Në qendër të kompozimit janë figurat tradicionale bullgare Pizho dhePenda, të rikrijuara me elemente meksikane.

Projekti ka edhe një qëllim edukativ, sipas autorëve. Mbishkrimi “Meksiko” u shkrua me gërma cirilike, për të tërhequr vëmendjen e nxënësve drejt alfabetit bullgar”. Një element lidhës në kompozim është edhe një fije që përshkon gjithë imazhin dhe ndërthuret në qendër si simbol i lidhjes dhe unitetit.

Nisma u realizua me mbështetjen e Ambasadës së Bullgarisë në Meksikë dhe Fondit Kombëtar “Kultura”.

Redaktoi: Miglena  Ivanova

Përgatiti në shqip: Svetllana Dimitrova