Pesë bashki presin 50% të turistëve në Bullgari

Me gati 1,5 milion vizitorë, Nesebëri është bashkia më aktive turistikisht në vitin 2025. Në të njëjtin vit, kryeqyteti Sofja ka tërhequr 1,3 milion turistë, Varna – 1,2 milion, Plovdivi – 410 mijë, ndërsa Ballçiku – 378 mijë.

Këto pesë bashki së bashku formojnë pikërisht 50% të fluksit turistik në vend. Këtë e tregon një analizë e Institutit për Ekonomi të Tregut. 

Dhjetëshja e parë plotësohet nga Velingradi, Banskoja, Burgasi, Hisarja dhe Samokovi, të cilat janë bashkitë e vetme të vizituara nga mbi 200 mijë turistë brenda vitit. 

Të ardhurat e strukturave të akomodimit arrijnë në 1,4 miliardë euro në vitin 2025, ku vetëm Nesebëri, Varna dhe Sofja gjenerojnë më shumë se gjysmën e të gjitha të ardhurave nga netët e qëndrimit. 

Nesebëri është gjithashtu lider për nga pjesa e turistëve të huaj – 76%, i ndjekur nga Varna dhe Kavarna me nga 70%

 

Redaktoi: Miglena Ivanova

Përgatiti në shqip: Vesella Mançeva