223 persona janë të arrestuar për krime zgjedhore

Qeveria në detyrë nuk do të zbresë në terren partiak, por do të luftojë kundër ndërmjetësve të votës dhe atyre që duan të rrëmbejnë demokracinë. Këtë e deklaroi në fillim të mbledhjes së rregullt të qeverisë kryeministri në detyrë, AndreJ Gjurov. “Sot dua të filloj me një numër – 223. Këta janë të ndaluarit për krime zgjedhore. Nëse pyesni nëse janë pak apo shumë – aq janë edhe deputetët në parlament,” sqaroi Gjurov dhe shtroi pyetjen: “Kush janë ata që duan të hyjnë në parlament përmes fajdexhinjve?” Qeveria është legjitime, sepse është legjitime edhe lufta e qytetarëve për të ushtruar të drejtën e tyre të votës në mënyrë të lirë, tha Gjurov. Sipas tij, çdo person që voton është aleat i qeverisë në luftën kundër blerjes së votave. Çdo njeri që frymëzon të tjerët të mos jenë indiferentë është gjithashtu aleati ynë, shtoi kryeministri në detyrë.

Redaktoi: Ivo Ivanov

Përgatiti në shqip: Svetllana Dimitrova