Trafiku në të gjitha pikat kufitare është normal

Trafiku në të gjitha vendkalimet dhe pikat kufitare në vend është normal, njoftoi Drejtoria e Përgjithshme e Policisë Kufitare. Është rikthyer lëvizja në urën e Danubit pranë Rusеs pas punimeve të riparimit të asfaltit. Përkohësisht, kalimi kryhet me faza në një korsi. 

Një person ka humbur jetën në një aksident gjatë 24 orëve të fundit dhe 19 të tjerë janë plagosur, informoi Ministria e Brendshme. Në total kanë ndodhur 15 aksidente. Në Sofje janë regjistruar 25 incidente të lehta dhe tre të rënda, në të cilat pesë persona janë plagosur. Që nga fillimi i muajit në vend kanë ndodhur 113 aksidente me 133 të plagosur dhe gjashtë viktima. 

Në një zjarr në një shtëpi në Kostinbrod ka humbur jetën një grua 64‑vjeçare, njoftoi Drejtoria e Përgjithshme “Siguria nga Zjarri dhe Mbrojtja e Popullsisë”. Dy të moshuar dhe dy fëmijë janë plagosur në një aksident mes dy automjeteve, i cili është pasuar nga zjarr. Zjarrfikësit kanë reaguar ndaj gjithsej 156 thirrjeve për ngjarje në vend.

 

Redaktoi: Diana Cankova

Përgatiti në shqip: Vesella Mançeva