Rritet numri i aksidenteve vdekjeprurëse në vendin e punës

Gjithsej 3117 incidente të punës janë regjistruar vitin e kaluar, informon Instituti Kombëtar i Sigurimeve Shoqërore. Prej tyre, 2826 janë pranuar si aksidente pune – 2356 në vendin e punës dhe 470 kanë ndodhur gjatë shkuarjes, ose kthimit nga puna. 

Shtatëdhjetë e gjashtë persona kanë humbur jetën gjatë kryerjes së detyrës. Ditët kalendarike të humbura për shkak të aksidenteve të punës gjatë gjithë vitit janë gjithsej 144 008. 

Numri më i madh i aksidenteve të punës është regjistruar në qytetet e mëdha – në Sofje pothuajse 39%, në Plovdiv 10,39%, në Varna 6,67%. Sektorët me më shumë incidente janë “Industria përpunuese”, “Tregtia”, “Transporti, magazinimi dhe postat” dhe “Ndërtimi”. 

Krahasuar me të dhënat e vitit të kaluar, aksidentet vdekjeprurëse në punë janë rritur me dymbëdhjetë.

 

Redaktoi: Diana Cankova

Përgatiti në shqip: Vesella Mançeva