Parashikimi i motit për 10 prillin

Gjatë natës do të mbizotërojë mot i kthjellët, ndërsa në disa lugina të Bullgarisë Jugperëndimore do të ketë kushte për formimin e ngricës. Në pjesën lindore të vendit vranësirat do të jenë më të shpeshta dhe kryesisht në pjesën lindore të fushës së Danubit do të ketë reshje shiu, në disa vende të përziera me borë. Do të fryjë erë e dobët deri mesatare nga perëndimi-veriperëndimi. Temperaturat minimale do të jenë ndërmjet minus 2° dhe 3°, në Sofje rreth 0°. 

Të premten vranësirat mbi vend do të jenë të shpeshta dhe në disa zona do të ketë reshje të dobëta shiu. Në orët e mëngjesit, në disa rajone veriore dhe malore, shiu do të përzihet me borë. Do të fryjë erë mesatare nga veriu-veriperëndimi. Temperaturat maksimale do të jenë ndërmjet 10° dhe 15°, në Sofje rreth 10°. 

Në male vranësirat do të jenë të dendura dhe në shumë vende do të ketë reshje bore, nën 1000 m – reshje shiu. Do të fryjë erë mesatare deri e fortë nga veriu-veriperëndimi. Temperatura maksimale në 1200 m do të jetë rreth 3°, ndërsa në 2000 m rreth minus 4°. 

Në bregdetin e Detit të Zi vranësirat do të jenë të dendura dhe në shumë vende do të ketë reshje shiu. Do të fryjë erë mesatare verilindore. Temperaturat maksimale do të jenë 10°– 13°, ndërsa temperatura e ujit të detit 9°–10°. Dallgëzimi i detit do të jetë 2–3 ballë.

 

Redaktoi: Diana Cankova

Përgatiti në shqip: Vesella Mançeva