Kalimi drejt euros ka një ndikim të kufizuar mbi çmimet

Kalimi i vendit tonë nga leva në euro deri tani ka pasur një ndikim të kufizuar dhe kryesisht njëherësh mbi çmimet e konsumit, deklarojnë ekspertë të Bankës Qendrore Evropiane në një material analitik. Sipas tyre, ky vlerësim paraprak përputhet me gjetjet nga studimet e mëhershme për kalimin në euro, të cilat zakonisht tregojnë efekte të lehta dhe njëherëshe, të përqendruara në pjesë të caktuara të sektorit të shërbimeve. 

Efekti inflacionist nga futja e monedhës së përbashkët evropiane më 1 janar 2026 vlerësohet të jetë ndërmjet 0,3 dhe 0,4 për qind. Rritjet janë të përqendruara kryesisht në sektorin e shërbimeve, dhe një pjesë e tyre janë regjistruar madje para vetë kalimit. Në të njëjtën kohë, as inflacioni i perceptuar, as pritjet inflacioniste të familjeve nuk janë ndikuar ndjeshëm nga ndërrimi i monedhës, bëhet e ditur nga publikimi. 

Në muajt e parë pas futjes së euros, inflacioni vjetor ka vazhduar të ngadalësohet – nga 3,5% në dhjetor të vitit të kaluar në 2,3% në janar dhe 2,1% në shkurt. 

Ekspertët vërejnë një rritje të mbështetjes publike për monedhën e përbashkët. Pjesa e aprovimit ka kaluar 50% në janar dhe ka arritur 54% në shkurt, që përbën shumicën e parë të qëndrueshme në vitet e fundit.

Redaktoi: Diana Cankova

Përgatiti në shqip: Vesella Mançeva