Vrapuesi i shpejtësisë Hristo Iliev u njoh zyrtarisht si rekordmen evropian

Rezultati i talentuarit Hristo Iliev prej 6.53 sekondash në sprintin 60 metra u ratifikua si rekord i ri evropian për të rinjtë nën 23 vjeç. Me këtë arritje, bullgari 21-vjeçar fitoi medaljen e artë në Kampionatin Ballkanik në sallë, të zhvilluar në Beograd më 21 shkurt, njoftoi Federata Bullgare e Atletikës së Lehtë.

Pritet që atletika evropiane të ratifikojë edhe rekordin e dytë kontinental për të rinjtë nën 23 vjeç të Hristo Iliev, prej 6.51 sekondash, të arritur një javë pas Ballkaniadës në Kampionatin Kombëtar të Bullgarisë.

Gjatë muajit shkurt, nxënësi i trajneres së njohur Valja Demireva përmirësoi tri herë rekordin kombëtar për meshkuj, duke thyer rezultatin e legjendës Petër Petrov, i cili datonte që nga viti 1978.

Redaktoi: Miglena Ivanova

Përgatiti në shqip: Svetllana Dimitrova