Gjurov dhe Rubio diskutuan Korridorin Vertikal dhe veprimtarinë e “Lukoil”

Kryeministri në detyrë, Andrej Gjurov, zhvilloi një bisedë me Sekretarin amerikan të Shtetit, Marco Rubio, i cili falënderoi Bullgarinë për mbështetjen e saj në evakuimin e qytetarëve dhe diplomatëve amerikanë nga Lindja e Mesme, njoftoi shërbimi informativ i qeverisë.

Marco Rubio shprehu mirënjohje për rritjen e investimeve të vendit tonë në mbrojtje, përfshirë blerjen e pajisjeve amerikane. U vlerësua gjithashtu mbështetja për Korridorin Vertikal, i cili krijon mundësi për eksportin e gazit natyror të lëngshëm nga Shtetet e Bashkuara dhe do të sigurojë një burim alternativ karburanti për Evropën.

Andrej Gjurov e njohu Sekretarin amerikan të Shtetit me rëndësinë e vazhdimit të pandërprerë të veprimtarisë së “Lukoil Neftohim Burgas”, duke respektuar regjimin aktual të sanksioneve, me qëllim garantimin e stabilitetit të tregut energjetik.

Në fushën e energjisë bërthamore, Andrej Gjurov dhe Marco Rubio vunë theksin mbi nevojën për sigurimin e furnizimeve me lëndë djegëse bërthamore nga burime alternative.

 

 

Redaktoi: Diana Cankova

Përgatiti në shqip: Vesella Mançeva