Parashikimi i motit për 11 prillin

Pas një përmirësimi të përkohshëm të vranësirave gjatë natës, moti do të bëhet sërish i vranët. Pas mesnate, në rajonet jugperëndimore do të fillojnë reshje shiu, ndërsa në male – reshje bore. Në shumë zona era do të dobësohet. Temperaturat minimale do të jenë ndërmjet 0° dhe 5°, në Sofje – rreth 3°.

Të shtunën, mbi pjesën më të madhe të vendit vranësirat do të jenë të konsiderueshme. Në shumë vende do të ketë reshje shiu, ndërsa në zonat malore – reshje bore. Në Bullgarinë Lindore reshjet do të shoqërohen me bubullima. Do të fryjë erë deri mesatare nga perëndimi-veriperëndimi, ndërsa në rajonet lindore – nga jugu-juglindja. Temperaturat maksimale do të jenë ndërmjet 11° dhe 16°, në Sofje – rreth 12°.

Në male moti do të jetë me vranësira. Mbi 1500 metra mbi nivelin e detit do të bjerë borë, ndërsa në pjesët më të ulëta – shi. Do të fryjë erë mesatare deri e fortë nga perëndimi-veriperëndimi. Temperatura maksimale në 1200 metra do të jetë rreth 6°, ndërsa në 2000 metra – rreth minus 2°.

Mbi bregdetin e Detit të Zi vranësirat do të jenë të konsiderueshme. Vetëm në zona të izoluara gjatë gjysmës së dytë të ditës do të ketë reshje të dobëta shiu. Do të fryjë erë mesatare dhe përkohësisht e fortë nga jugu-juglindja. Temperaturat maksimale do të jenë 9°-11°, ndërsa temperatura e ujit të detit – 9°-11°. Dallgëzimi i detit do të jetë 1-2 ballë.

 

Redaktoi: Diana Cankova

Përgatiti në shqip: Vesella Mançeva