Kryeministri bullgar përgëzoi Péter Magyar për fitoren në zgjedhjet në Hungari

E përgëzova Péter Magyar për rezultatin e zgjedhjeve. Gjithashtu përgëzova qytetarët e Hungarisë, të cilët shprehën vullnetin e tyre me aktivitet rekord dhe i treguan Evropës se demokracia nuk është vetëm një kuti votimi, shkroi kryeministri në detyrë Andrej Gjurov në faqen e tij zyrtare në Facebook.

"Evropa nuk është gjeografi dhe fonde financiare. Është një zgjedhje. Një zgjedhje për të qenë së bashku në vlerat tona. Për të ruajtur lirinë. Për të mbrojtur dinjitetin", shkruan kryeministri në detyrë.

"Ne pamë në Hungari se çfarë ndodh kur njerëzit besojnë se zëri i tyre ka fuqi. Tani vjen momenti ynë në Bullgari", shkruan Andrej Gjurov.

Udhëheqësi i opozitës hungareze Péter Magyar fitoi zgjedhjet parlamentare më 12 prill në Hungari dhe partia e tij e qendrës së djathtë TISA pritet të ketë një shumicë kushtetuese prej 2/3 në parlament, kujton BTA.

 

Redaktoi: Ivo Ivanov

Përgatiti në shqip: Vesella Mançeva