Parashikimi i motit për 15 prillin

Të mërkurën, temperaturat minimale do të jenë midis 3 dhe 8°. Për Sofjen, pritet të jetë 5°. Në orët e mëngjesit, era në shumë zona do të ulet dhe në pjesën fushore të vendit do të ketë kushte për formimin e mjegullës. Moti me diell do të mbizotërojë gjatë ditës. Rritje më të ndjeshme të vranësirave do të ketë mbi Bullgarinë Jugore, ku në disa vende, kryesisht në male, do të ketë shi të lehtë. Era do të qëndrojë nga lindja-juglindja, në Fushën e Danubit - nga veriu-verilindja, e dobët deri në mesatare. Temperaturat maksimale do të jenë nga 16 deri në 21°. Në kryeqytet do të jetë rreth 19°.

Përgjatë bregdetit të Detit të Zi do të ketë vranësira të ndryshueshme me diell, por edhe rritje të përkohshme të vranësirave. Temperaturat maksimale do të jenë 12-13°. Uji i detit do të jetë nga 9 deri në 11°. Deti do të jetë rreth 2-3 ballë.

Në male, vranësirat do të jenë më shpesh të konsiderueshme dhe në disa vende të caktuara do të ketë reshje të lehta shiu, mbi 2500 metra - borë. Do të fryjë erë e lehtë deri në mesatare nga lindja-juglindja. Temperatura maksimale në 1200 m mbi nivelin e detit do të jetë rreth 13°, në 2000 m do të jetë rreth 5°.

Të enjten do të ketë orë me diell, por edhe rritje të përkohshme të vranësirave, më të konsiderueshme mbi gjysmën perëndimore të vendit, ku në vende të caktuara, kryesisht në male, do të ketë reshje shiu. Në Bullgarinë Lindore do të fryjë erë e moderuar nga lindja. Temperaturat minimale do të jenë midis 3 dhe 8°, dhe maksimalet nga 14 deri në 19°.

 

Redaktoi: Ivo Ivanov

Përgatiti në shqip: Vesella Mançeva