Ministri i Energjisë: Të mos preket rezerva e karburanteve

Rezervat 90-ditore të karburanteve nuk duhet të përdoren për uljen e çmimeve, por të ruhen si një buffer në rast të mungesës fizike. Këtë e deklaroi Ministri i Energjisë në detyrë, Trajço Trajkov, para gazetarëve pas inaugurimit të Depozitës Kombëtare për Mbetje Radioaktive në Kozlloduj.

Sipas tij, rritja e çmimeve të karburanteve nuk ka ndikuar ndjeshëm në konsum. Ministri njoftoi se në ditët në vijim pritet miratimi nga Komisioni Evropian i një skeme për mbështetjen e industrisë me konsum të lartë energjie, dhe masa do të ruajë vendet e punës si dhe konkurrueshmërinë e kompanive.

Sipas Trajkovit, masat administrative ose të ashtuquajturat masa shtrënguese për vendosjen e tavaneve të çmimeve mund të çojnë në mungesa dhe vështirësi në zinxhirët e furnizimit, gjë që në fund të fundit çon në çmime më të larta, transmeton BTA.

 

Redaktoi: Ivo Ivanov

Përgatiti në shqip: Vesella Mançeva