Bullgarët janë liderë në BE për pagesat shtesë në shëndetësi

Inflacioni në sektorin e shëndetësisë në Bulgaria gjatë vitit 2026, krahasuar me vitin 2025, është dy herë më i lartë se inflacioni i përgjithshëm në vend, tregon një analizë e kompanisë Health Metrics, e specializuar në mbledhjen, analizimin dhe paraqitjen e informacionit shëndetësor, social dhe ekonomik, njofton Agjencia Telegrafike Bullgare (BTA). Gati gjysma e të punësuarve në vend janë mbi 45 vjeç — një moshë mbi të cilën rriten ndjeshëm sëmundjet kronike. Bulgaria është ndër shtetet që po plaken më shpejt në Bashkimin Evropian, ndërsa vdekshmëria e parandalueshme në vend mbetet ndër më të lartat në BE, thuhet në analizë.

Pjesa e pagesave shtesë nga ana e qytetarëve është më shumë se dyfish në krahasim me vendet e tjera të BE-së. Brenda pesë viteve, shpenzimet e një familjeje për shëndetësi u rritën me 60%, duke e renditur vendin tonë në vend të parë në BE për pagesat shtesë nga ana e familjeve. Rreth 77% e këtyre pagesave nga pacientët bullgarë shkojnë për barna, duke përfshirë edhe ato që rimbursohen pjesërisht nga fondi i sigurimeve shëndetësore.

Redaktoi: Miglena  Ivanova

Përgatiti në shqip: Svetllana Dimitrova