Gjashtë parti kanë një shans për të hyrë në parlament

Rreth tre milionë bullgarë do të votojnë në zgjedhjet e parakohshme parlamentare të ardhshme më 19 prill. Pesë formacione janë të sigurta për të hyrë në parlament, dhe një është në prag. Këtë e tregon një studim nga Qendra për Analizë dhe Marketing, i prezantuar në një konferencë për shtyp "Qëndrimet zgjedhore pesë ditë para zgjedhjeve parlamentare - rezultatet e një ankete sociologjike përfaqësuese në nivel kombëtar". Studimi nga Qendra për Analizë dhe Marketing u krye në periudhën 3-14 prill midis 1,011 qytetarëve të rritur me fondet e vetë qendrës.

Sipas anketës, "Bullgaria Progresive" do të marrë 32.1% të votave të votuesve, GERB-SDS - 19.4%, "Po e Vazhdojmë Ndryshimin - Bullgaria Demokratike" (PP-DB) - 12.00%, "DPS-Fillim i Ri" - 11.2%, "Vëzrazhdane" (“Rilindje”) - 7%, tha drejtori i qendrës Julij Pavllov.

"BSP - E Majta e Bashkuar" do të marrë 4.2%, që e vendos atë "në peshore" në barrierën prej 4%. "Morali, Uniteti, Nderi" (MEÇ) do të marrë 2.8%. “Sijanie” ("Shkëlqimi") - 2.1%, “Veliçie” ("Madhështia") - 2.0%, “Sinja Bëllgaria” ("Bullgaria Blu") - 1.1%, "Ka një popull të tillë" (ITN) - 0.9%, dhe "Aleanca për të Drejtat dhe Liritë" (APS) - 0.9%.

Lufta për vendin e tretë është e veçantë sepse PP-DB dhe DPS janë shumë afër njëra-tjetrës, komentoi Pavllov.

Sipas anketës, një total prej 54.1% e qytetarëve kanë vendosur se për kë do të votojnë. 50.3% e të anketuarve i përcaktojnë pikëpamjet e tyre politike si centriste, 14.4% të krahut të djathtë dhe 11% të krahut të majtë.

 

Redaktoi: Miglena Ivanova

Përgatiti në shqip: Vesella Mançeva