Një film bullgaro-rumun do të marrë pjesë në Festivalin e Kanës

Filmi për fëmijë "Atlasi i Universit", një bashkëprodhim i Rumanisë dhe Bullgarisë, do të marrë pjesë në edicionin e 79-të të Festivalit të Kanës në seksionin Cannes Ecrans Juniors 2026, njoftoi Qendra Kombëtare e Filmit. Udhëtimi i Atlasit të mrekullueshëm vazhdon me besim pas premierës së tij në festivalin e Berlinit në shkurt. Filmi gjithashtu ka një çmim për filmin më të mirë për të rinj në Festivalin e Filmit në Sofje.

"Atlasi i Universit" ndjek historinë e 10-vjeçarit Filip, i cili aksidentalisht blen dy këpucë të djathta dhe duhet të nisë një udhëtim për të gjetur të majtën që mungon. Kjo e çon atë në një botë të pabesueshme dhe mësime të papritura për veten dhe botën.

Ky është filmi i parë me metrazh të gjatë për fëmijë i drejtuar nga Paul Negoescu. Filmi është shkruar nga ai dhe Mihai Mincan.

Redaktoi: Ivo Ivanov

Përgatiti në shqip: Vesella Mançeva