Në 2030, Bullgaria mbetet e fundit në BE për PBB për frymë

Bullgaria pritet të mbetet në vendin e fundit në Bashkimin Evropian për sa i përket PBB-së për frymë edhe në vitin 2030, me një vlerë të parashikuar rreth 28 000 euro. Në renditjen globale, vendi do të tejkalohet nga Turqia, e cila renditet përpara Bullgarisë, Letonisë dhe Greqisë. Parashikimet e Fondit Monetar Ndërkombëtar tregojnë rritje të ndjeshme të PBB-së për frymë në Evropë deri në vitin 2030, por pa ndryshime të mëdha në renditje, veçanërisht kur merret parasysh fuqia blerëse.

PBB-ja për frymë mbetet një nga treguesit kryesorë për krahasimin e ekonomive, por rritja e saj nuk do të thotë domosdoshmërisht përmirësim i pozicionit të një vendi, pasi të gjitha ekonomitë zhvillohen paralelisht, thuhet në raportin “World Economic Outlook”, sipas Agjencisë Telegrafike Bullgare (BTA).

Redaktoi: Ivo Ivanov

Përgatiti në shqip: Svetllana Dimitrova