Parashikimi i motit për 21 prillin 2026

Të martën temperaturat minimale do të jenë ndërmjet 5 dhe 10°. Për Sofjen priten rreth 6°. Gjatë ditës, që para mesditës, vranësirat nga veriperëndimi do të shtohen dhe do të përfshijnë gjithë vendin. Do të ketë reshje, në shumë zona të Bullgarisë Jugore do të jenë intensive dhe të konsiderueshme. Parashikohen edhe stuhi me bubullima. Era do të orientohet nga veriperëndimi, ndërsa në Bullgarinë Lindore nga veri-verilindja; do të jetë e dobët deri mesatare dhe me të do të depërtojë ajër i ftohtë. Dukuri më të theksuara priten në zonat malore. Temperaturat maksimale do të jenë nga 13 deri në 18°. Në kryeqytet rreth 13°.

Në bregdetin e Detit të Zi vranësirat do të shtohen dhe pasdite moti do të jetë i vranët me reshje, në bregdetin jugor intensive dhe me sasi të konsiderueshme. Do të ketë edhe bubullima. Do të fryjë erë e dobët deri mesatare nga veri-verilindja, ndërsa pasdite nga lindja. Temperaturat maksimale do të jenë nga 13 deri në 17°. Temperatura e ujit të detit është rreth 11–12°. Dallgëzimi i detit do të jetë 2–3 ballë.

Në zonat malore moti do të jetë i vranët me reshje shiu, ndërsa mbi 1600–1700 metra reshjet do të jenë dëborë. Reshje të konsiderueshme priten në malet Rodopa, Stranxha dhe Sakar, ku parashikohen edhe stuhi me bubullima. Do të fryjë erë e moderuar deri e fortë nga veriperëndimi, e cila deri në mbrëmje do të orientohet nga veriu. Temperatura maksimale në 1200 m lartësi do të jetë rreth 9°, ndërsa në 2000 m rreth 2°.

Të mërkurën do të mbetet mot i vranët me reshje shiu. Do të fryjë erë veriore deri mesatare dhe me të do të vazhdojë ftohja. Edhe në zonat më të ulëta malore, deri rreth 1200–1300 m, shiu do të përzihet ose do të kalojë në dëborë. Temperaturat minimale do të jenë ndërmjet 3 dhe 8°, ndërsa maksimalet ndërmjet 10 dhe 15°.

 

Redaktoi: Ivo Ivanov

Përgatiti në shqip: Svetllana Dimitrova