Riparimi i Urës së Danubit pranë Ruses pritet të përfundojë në qershor

Riparimi kryesor i Urës së Danubit pranë Ruses po kryhet në kohë. Kjo u bë e qartë gjatë një vizite në vend nga Ministri i Zhvillimit Rajonal dhe Punëve Publike Nikollaj Najdenov.

Puna ka filluar në 320 metrat e fundit të objektit, në korsinë drejt Rumanisë, më 14 prill 2026. Data e parashikuar e përfundimit të riparimit është qershori 2026.

Riparimi kryesor i Urës së Danubit filloi më 10 korrik 2024 dhe po kryhet pa ndalur trafikun. Rruga e objektit në territorin bullgar ka një gjatësi totale prej 1,057 km. Që nga vënia në punë në vitin 1954, deri më tani nuk është kryer një rehabilitim i tillë, tregon Ministria e Zhvillimit Rajonal dhe Punëve Publike.

 

Redaktoi: Miglena Ivanova

Përgatiti në shqip: Vesella Mançeva