Trafik i rënduar në dy pika kontrolli kufitar në kufirin me Turqinë

Trafiku në pikat e kontrollit në kufirin me Turqinë “Kapitan Andreevo” dhe “Lesovo” në dalje për kamionë është jashtëzakonisht i rënduar, njoftoi “Policia Kufitare”. Trafiku është normal në pikat e tjera të kontrollit kufitar. 

Në kufirin me Greqinë, automjete deri në 3.5 ton kalojnë gjithashtu në pikat kufitare “Rudozem”, “Zllatograd”, “Makaza” dhe “Ivajllovgrad”. Makina pasagjerësh, autobusë dhe kamionë kalojnë nëpër pikat kufitare “Ilinden”, “Kullata” dhe “Kapitan Petko Vojvoda”. Në pikën kufitare “Ruse – Giurgiu” në kufirin me Rumaninë, po kryhen punime riparimi në pjesën bullgare të objektit të urës. Trafiku po rregullohet. 

Njësitë e “Sigurisë nga Zjarri dhe Mbrojtjes së Popullsisë” u janë përgjigjur 77 raportimeve për aksidente gjatë 24 orëve të fundit, njoftoi Ministria e Brendshme. Një person u plagos, 43 zjarre u shuan – 18 prej tyre me dëme materiale. U kryen 31 operacione shpëtimi dhe ndihme. 

Në 24 orët e fundit, ndodhën 11 aksidente të rënda me dy viktima dhe 21 të plagosur, njoftoi Ministria e Brendshme. Në Sofje pati 33 aksidente të vogla rrugore. Që nga fillimi i vitit, ka pasur 1542 aksidente me 1928 të plagosur dhe 112 vdekje. 

 

Redaktoi: Diana Cankova

Përgatiti në shqip: Vesella Mançeva