Në Sofje po zhvillohet Camping & Caravaning Expo 2026

Panairi Camping & Caravaning Expo 2026 filloi sot dhe do të vazhdojë deri të dielën në hapësirën e parkut të ish‑Sofia Land. Organizator i ngjarjes është Camping.bg, njofton BTA.

Forumi po zhvillohet për të 12‑in vit me radhë. Në edicionin e sivjetshëm marrin pjesë 99 ekspozues nga Bullgaria, Greqia, Rumania dhe Gjermania. Janë paraqitur kamperë, karavane, automjete turistike, produkte të ndryshme për kamping, sporte ujore, çiklizëm dhe aktivitete në natyrë.

Organizatorët e panairit theksojnë se interesi për turizmin e kampingut në Bullgari ka qenë në rritje të vazhdueshme vitet e fundit. Aktualisht në vend ka mbi 200 kampe, rreth 35% prej tyre përgjatë Detit të Zi, ndërsa pjesa tjetër në brendësi të vendit, thekson themeluesi i Camping.bg, Veselin Vëlev.”

Redaktoi: Miglena Ivanova

Përgatiti në shqip: Vesella Mançeva