Sindikata KNSB raporton një rritje prej 2.3% të kostos së jetesës për punëtorët

818 euro janë të nevojshme në muaj për të mbështetur shpenzimet e jetesës së një punëtori që jeton vetëm, sipas të dhënave të fundit nga Instituti për Kërkime dhe Trajnime Sociale dhe Sindikale pranë Konfederatës së Sindikatave të Pavarura (KNSB) për tremujorin e parë të vitit 2026. Shuma për një familje me dy të rritur dhe një fëmijë është 1,473 euro në muaj.

Në një vit, krahasuar me marsin e vitit të kaluar, mjetet e jetesës për një person u rritën me 40 euro, dhe për një familje - me 73 euro.

Më shumë se gjysma e punëtorëve, 58.3%, janë të siguruar me të ardhura më të ulëta se paga minimale e jetesës, raporton gjithashtu sindikata. Qytetarët e siguruar deri në shumën e pagës minimale për punë me kohë të plotë përfaqësojnë 12.2% të të gjithë punonjësve me kohë të plotë.

Vazhdon gjithashtu edhe rritja vjetore e çmimeve për produktet ushqimore me 6.2%.

Redaktoi: Ivo Ivanov

Përgatiti në shqip: Vesella Mançeva