Aleksandër Vezenkov sërish është MVP i Euroligës

Për herë të dytë në karrierën e tij, Aleksandër Vezenkov u zgjodh MVP (Most Valuable Player, lojtari më i vlefshëm) i sezonit të rregullt në Euroligë, shkruan sportal.bg. Gara më prestigjioze e klubeve në kontinentin evropian njoftoi zyrtarisht se asi bullgar i “Olympiakos”- it edhe një herë është fitues i këtij çmimi individual prestigjioz.

Vezenkov u shpall numri 1 i sezonit të rregullt të turneut edhe në vitin 2023. Si atëherë, ashtu edhe tani, ai fitoi edhe çmimin për realizuesin më të mirë të sezonit të rregullt, që mban emrin e të ndjerit Alfonso Ford.

Vezenkov pati një rol kyç që “Olympiakos” të përfundonte në vendin e parë në renditjen përfundimtare të sezonit të rregullt të Euroligës.

Bullgari është basketbollisti i dytë në histori që e merr këtë vlerësim të madh për herë të dytë në karrierën e tij. Tjetri është Anthony Parker, njofton faqja bgbasket.com.

•  Vezenkov u përfshi për herë të katërt në Skuadrën Ideale të Euroligës
  

Redaktoi: Miglena Ivanova

Përgatiti në shqip: Vesella Mançeva