Konferencë ndërkombëtare në Sofje analizon mësimet nga lufta në Ukrainë

Lufta në Ukrainë konfirmoi rolin kyç të industrisë së mbrojtjes për suksesin në fushëbetejë, tha shefi i mbrojtjes, adm. Emill Eftimov, gjatë hapjes së konferencës ndërkombëtare për sistemet ajrore pa pilot dhe sistemet e robotizuara në Akademinë Ushtarake “Georgi S. Rakovski”.

Ai theksoi se lufta nuk zhvillohet vetëm nga forcat e armatosura, por nga i gjithë shteti përmes mobilizimit të sektorit teknologjik, komunitetit shkencor dhe industrisë së mbrojtjes. Lufta në Ukrainë tregoi se si duket një konflikt me intensitet të lartë në epokën e teknologjive industriale dhe digjitale. Në konflikt u pa se epërsia numerike nuk garanton më avantazh strategjik. Ukraina kompensoi mungesat e saj të burimeve përmes inovacionit, adaptimit teknologjik dhe përdorimit asimetrik të forcës, theksoi shefi i mbrojtjes.

Falë dronëve detarë, Ukraina e shtyu flotën ruse drejt pjesëve lindore të Detit të Zi, nënvizoi zëvendësministri i mbrojtjes Zllatin Krëstev para forumit.

Redaktoi: Ivo Ivanov

Përgatiti në shqip: Vesella Mançeva