“Fëmijët e Radios” na çojnë me këngë në një botë përrallore

Grupi vokal “Radiodeca” (“Radio – Fëmijë”, ose “Fëmijët e Radios”), me dirigjente Ollga Mencel, kanë përgatitur një koncert live për fëmijë, i cili përfshin edhe një sërë aktivitetesh. Më 29 prill 2026, Studioja e Parë e Radios Kombëtare Bullgare do të jetë e mbushur me shumë humor, muzikë, vizatime dhe gjëegjëza argëtuese. Frymëzimi vjen nga bota e kafshëve, siç shihet edhe nga titujt e këngëve në koncert: “Zhaba Zhaburana”, “Bleta”, “Miza”, “Macja”… Do të dëgjohen edhe këngë nga filma të dashur për fëmijë. 

Fëmijët nga publiku do të jenë pjesëmarrës aktivë në ngjarje, sepse do të kenë mundësinë të vizatojnë figurat e kafshëve nga këngët, dhe vizatimet më gazmore do të ekspozohen në skenën e studios.

Ky koncert është i pari për këngëtarët e vegjël me drejtuesen e tyre të re vokale, Ollga Mencel. Prezantueset janë dy “Radio – Fëmijë” të rritura – Desi dhe Mihaella.

Le të dëgjojmë se si tingëllon “Miza” në interpretimin e grupit vokal “Radiodeca”. Kënga është me muzikë dhe aranzhim të Ljubomir Denev, tekst – Dobri Zhotev.

Përpiloi: Diljana Traçeva

Përgatiti në shqip: Vesella Mançeva