Trafiku për kamionët për në Turqi mbetet i ngjeshur

Trafiku në pikat kufitare "Kapitan Andreevo" dhe "Lesovo" në kufirin me Turqinë në dalje për kamionët mbetet jashtëzakonisht intensiv, njoftoi Policia Kufitare.

Në kufirin me Rumaninë, trafiku është normal në të gjitha pikat kufitare. Në Ruse - Giurgiu, po kryhen punime riparimi në pjesën bullgare të urës mbi lumin Danub dhe trafiku rregullohet në një korsi. Në kufirin me Greqinë, Maqedoninë e Veriut dhe Serbinë, trafiku është normal.

Nga 30 prilli, trafiku do të kufizohet në korsinë për në Burgas në dy seksione pesë kilometrashe të autostradës "Trakia" në rajonin e Jambolit - nga km 272 deri në km 277, si dhe midis km 282 dhe 287. Do të ketë riparime në dy struktura të urës. Trafiku do të kryhet në dy drejtime në korsinë për në Sofje, njoftoi Agjencia e Infrastrukturës Rrugore. Afati i fundit për përfundimin e punimeve të rinovimit është fundi i majit.

 

Redaktoi: Ivo Ivanov

Përgatiti në shqip: Vesella Mançeva