Parashikimi i motit për fundjavën

Të shtunën, temperaturat minimale do të jenë midis 1 dhe 4°. Në Sofje pritet të jetë 0°. Gjatë ditës, do të ketë më shumë orë me diell para mesditës. Rreth dhe pas mesditës, vranësirat në të gjithë vendin do të rriten dhe do të ketë shi, të shoqëruara me stuhi në disa vende. Do të ketë erëra të moderuara në Bullgarinë Juglindore dhe një erë të fortë përkohësisht nga verilindja. Temperaturat maksimale do të jenë nga 10 deri në 15°. Në kryeqytet, do të jetë rreth 12°.

Përgjatë bregdetit të Detit të Zi, do të ketë vranësira të konsiderueshme dhe në disa vende do të ketë shi. Do të ketë më shumë orë me diell para mesditës. Do të ketë erëra të moderuara përgjatë bregdetit jugor dhe një erë të fortë përkohësisht nga verilindja. Temperaturat maksimale do të jenë nga 11 deri në 13°. Uji i detit është rreth 12-14°. Dallgëzimi i detit do të jetë 2-3 ballë. Në male, vranësirat do të jenë të konsiderueshme dhe në shumë vende do të ketë reshje dëbore, nën 1200 metra - shi, por në mbrëmje dhe në rajonet e ulëta malore shiu do të përzihet dhe do të shndërrohet përkohësisht në dëborë. Do të fryjë erë e moderuar dhe përkohësisht e fortë nga veriu-verilindja. Temperatura maksimale në 1200 m mbi nivelin e detit do të jetë rreth 3°, në 2000 m do të jetë rreth minus 4°.

Të dielën, vranësirat do të mbeten të konsiderueshme në pjesën më të madhe të vendit. Në Bullgarinë Lindore dhe rajonet malore, do të ketë shira të shkurtër. Do të ketë ndërprerje dhe ulje të përkohshme të vranësirave në gjysmën perëndimore të vendit. Temperaturat minimale do të jenë midis 0 dhe 5°, në luginat e Bullgarisë Jugperëndimore deri në minus 2° dhe atje do të formohet ngricë. Temperaturat maksimale do të jenë midis 12 dhe 17°. Në fillim të javës së ardhshme, do të mbizotërojë mot me diell me rritje më të ndjeshme të vranësirave në gjysmën lindore të vendit, por pa reshje.

 

Redaktoi: Ivo Ivanov

Përgatiti në shqip: Vesella Mançeva