Pritet trafik i shtuar nga kryeqyteti për shkak të Ditës së Shën Gjergjit

Trafiku në pikat kufitare dhe pikat e kontrollit drejt të gjitha vendeve fqinje është normal, njoftoi Policia Kufitare. Në pikën kufitare me Rumaninë Ruse - Giurgiu, po kryhen punime riparimi në pjesën bullgare të urës mbi Danub dhe trafiku është i rregulluar në një korsi.

Rreth 75000 makina pritet të largohen nga Sofja më 5 maj për shkak të festës së Shën Gjergjit që po vjen, njoftoi Agjencia e Infrastrukturës Rrugore. Trafiku do të jetë më i rënduar në pasdite. Fluksi kryesor do të jetë drejt autostradave Trakia, Hemus dhe Struma. Më 5 dhe 6 maj, lëvizja e kamionëve mbi 12 tonë në autostrada do të kufizohet në orare të caktuara. Më 5 maj, kjo do të ndodhë nga ora 15:00 deri në orën 20:00 për makinat që largohen nga Sofja. Kamionët e rëndë që udhëtojnë drejt kryeqytetit do të lëvizin pa kufizime. Në një seksion tjetër, ku pritet trafik i rënduar në rajonin e Simitli, do të ketë trafik të kundërt për të lehtësuar udhëtimin.

 

Redaktoi: Ivo Ivanov

Përgatiti në shqip: Vesella Mançeva