Kryeministri Rumen Radev është i ftuar për vizita në një sërë shtetesh të BE‑së

Vizita e parë pune jashtë vendit e kryeministrit Rumen Radev do të jetë në Berlin, njoftoi ministrja e jashtme Velisllava Petrova para gazetarëve bullgarë në Bruksel, në kuadër të takimit të ministrave të jashtëm të BE‑së, transmeton BTA. 

“Kemi konfirmim dhe ftesë nga kancelari Friedrich Merz, dhe vizita e parë jashtë vendit pritet të jetë në Berlin”, tha ministrja. “Mendoj se është e rëndësishme të tregojmë se me partnerët tanë kyç, si Gjermania, mund të zhvillojmë një politikë aktive. Në këtë rast kjo lidhet edhe me ftesat që i janë bërë kryeministrit.” 

Gjatë javës së parë pas marrjes së detyrës, ai ka marrë gjithashtu ftesa nga kryeministrja Giorgia Meloni, presidenti Emmanuel Macron dhe kryetari i Këshillit Evropian, Antonio Costa. “Po përpiqemi të gjejmë mënyrën më të mirë për t’i organizuar të gjitha këto mundësi. Mesazhi është i qartë — nuk mendoj se ka aq shumë rëndësi se cili shtet do të jetë i pari”, shtoi Petrova.

Redaktoi: Ivo Ivanov

Përgatiti në shqip: Vesella Mançeva